गोरखा जिल्लाको उत्तर पुर्वी भागमा रहेको यस आरुघाट गाउँपालिका जिल्ला सदुरमुकाम बाट ४२ कि.मि. उत्तर मा रहेको छ । यस गाउँपालिका ४७९ मि देखि ३७३५ मि उचाइमा रहेको र यस गा.पा.को उत्तरतर्फ धार्चे गा.पा. ,दक्षिण तर्फ भिमसेन थापा गा.पा. ,पुर्व तर्फ वुढि गण्डकी नदि र पश्चिमतर्फ बारपक सुलिकोट गा.पा रहेको छ , आरुघाट गाउँपालिका वडा नं. १० मंगलटारमा २०५७ फाल्गुन १ गते सप्तकोसी साकोसको स्थपना भई सञ्चालनमा रहेको छ । यस संस्था स्थानिय बासिन्दाहरुले आर्जन गरेको आयबाट थोरै भएपनि नियमित रुपले बचत जम्मा गर्ने बानीको विकास तथा समुदायवीच स्वावलम्बन, पारस्परिक सहयोग तथा २०४६ सालमा प्रजातन्त्रको पुनर्वाहली पश्चात देशमा आएको आर्थिक उदारिकरणको फलस्वरुप सहकारीको माध्यामबाट समाजमा आर्थिक सामाजिक तथा शैक्षिक परिवर्तनको उद्देश्यमा मुलुकभरी सहकारी संस्था खोल्ने क्रममा बसन्त ऋतुको आगमन संगै यहाका युवाहरु ,बुद्धिजिवीहरु ,व्यापारीहरुको सकृयतामा २०५७ फाल्गुन १ गते ४२ जना संस्थापकको भेलाद्धारा सप्तकोसी बचत तथा ऋण सहकारी संस्था लिमिटेड को नामाकरण गरि आवश्यक प्रकृया पुरा गरी सहकारी ऐन २०४८ तथा सहकारी नियमावली २०४९ को परिधिभित्र रहि भविष्यमा यसमा आवद्घ भएका सबै सदस्यहरुको एउटा छुट्टै पहिचान बनाउन सक्ने गरी सप्तकोशी बचत तथा ऋण सहकारी संस्था लि. को २०५७ फाल्गुन १ गते दर्ता नं. १८७÷०५७÷५८ मा जिल्ला सहकारी कार्यालय चितव्न मा दर्ता भयो ,हाल गोरखा जिल्लाको उत्तरी भागमा अवस्थित आरुघाट ग.पा. भिमसेन थापा गा.पा.धार्चै गा.पा. कार्यक्षेत्र कायम रहेको छ । आरुघाट गा.पा. को वडा नं. १० स्थित संस्थाको कार्यालयमा संस्था स्थापनाको पहिलो बर्ष ४२ जना सदस्य, कर्मचारी नराखी चौतारोमा सञ्चालन गरेको थियो , हाल २५ बर्षमा पुग्दा यस संस्थामा १९ जना कर्मचारी , ६५१७ जना शेयर सदस्य सहित सोहि स्थानबाट ब्यवस्थित कार्यालयमा संचालन भइरहेको छ भने मूख्य कार्यलय मंगलटार , सेवाकेन्द्रहरु आर्खेत ,आरुघाट, मान्वु र आर्वाङ्गबाट सञ्चालन गरीएको छ ।

गोरखा जिल्ला आरुघाट गा.पा. -९ आरुघाटमा २०५१ साल भाद्र २९ गते २७ जना संस्थापकहरुको सक्रियतामा सहकारी कार्यलय दमौलीमा श्री आरुघाट बचत तथा ऋण सहकारी संस्था लि.दर्ता भै सञ्चालनमा रहेको थियो । यस संस्था गोरखा जिल्लाकै जेष्ठ बचत तथा ऋण सहकारी संस्थाहरुमध्ये एकमा पर्न आउँछ । त्यसमा पनि गोरखाको उत्तरी क्षेत्रको हिसावले हेर्दा यस क्षेत्रमा सहकारीको अाँखा खोल्ने काम नै यस संस्थाले गरेको कुरा सवैमा विदिदै छ । यस आरुघाट बचत तथा ऋण सहकारी संस्था लि.करिव १ वर्ष पछि देशै भरी माओवादि र तत्कालीन सरकार बिच द्धन्द भई रहदा यस आरुघाट भेगका जनतालाई आफ्नो ब्यपार उधोग धन्दा लगायत विभिन्न आर्थिक कारोवारमा टेवा पुर्याउदै आएको थियो । हाल आरुघाट बचत तथा ऋण सहकारी संस्था लि.र सप्तकोसी बचत तथा ऋण सहकारी संस्था लि.वीच एकिकरण भई सप्तकोसी बचत तथा ऋण सहकारी संस्था लि. को नाम बाट सञ्चालनमा आइरहेको छ ।

बचत तथा ऋण सहकारीहरुको प्रमूख उद्देश्य भनेको नै न्यून आय भएका सदस्यहरुलाई बचत गर्ने वानीको विकास गरी उधमी बनाउनप्रेरीत गर्नु हो । भएको बचत विभिन्न उधोग धन्दा , आयमूलक , व्यापार र व्यबसाय तथा अन्य कार्यमा ऋण मार्फत परीचालन गर्नु यसको उद्देश्य अन्तर्गत पर्दछ । तसर्थ यस संस्थाको उद्देश्य तथा मूलमर्म भन्नु नै वचत संकलन गरि ऋण लगानी गर्नु हो । यस सप्तकोशी बचत तथा ऋण सहकारी संस्था लि.ले प्रत्यक्ष वा अप्रत्यक्ष रुपमा न्यून आय भएका सदस्यहरुलाई बचत गर्न सिकाँउदछ जसले गर्दा अहिले गरेको थोरै बचतले भविष्यमा ठूलो राहत मिल्न जान्छ । संस्थाले कम पूँजी भएका, निम्न आय भएका, श्रमिक, किसान, कालिगड, साना व्यापारी, उद्यमी र सर्वसाधारण आदी बाट बचत संकलन गर्ने तथा संकलित रकमलाई सीपमूलक उत्पादनशिल, आय आर्जन साथै अन्य कार्यमा परिचालन गरि सदस्यको आर्थिक जीवनस्तर माथि उठाउँने काम गरेको छ ।

सामाजिक सामूदायिक क्रियाकलापका साथसाथै यस संस्थाले कर्मचारी शेयर सदस्य तथा समूदायमा बिभिन्न तालिमहरु प्रदान गर्दै आएको छ । सदस्यलाई आवश्यकता अनुसारका तालिमहरु, संचालक समितिका पदाधिकारीहरु तथा लेखा तथा सुपरिवेक्षण समितिाका सदस्यहरुलाई पनि बिभिन्न तालिमहरु उपलब्ध गराएको छ । सप्तकोसी बचत तथा ऋण सहकारी संस्था लि.ले ४२ जना बाट रु ४२००।–(अक्षररुपी चार हजार दुई सय मात्र ) सेयर पुजी र ४२ जना बाट रु ५० को दर रु २,१००।— बचत जम्मा गरी सुरु भएको र आरुघाट बचत तथा ऋण सहकारी संस्था लि. २७ जना शेयर सदस्यले २८ थान शेयर र बचत रु २७०० जम्मा गरी स्थापना भएको यस संस्थाहरुले बिभिन्न सामाजिक, सामुदायीक कार्यहरु गर्र्दै बचत तथा ऋणको कारोवार गरीरहेको यस साकोसले क्रमबद्ध रुपमा प्रगति गर्दै समाजमा आफ्नो ख्याति तथा पहिचान बनाउदै आएको छ । संस्थाले सदस्यहरुको आवश्यकतालाई ध्यानमा राखि नियमित , ऐच्छिक, बाल लगायत १६ वटा बिभिन्न प्रकारका बचतहरु संचालनमा ल्याएको छ । सप्तकोसी साकोसले बिभिन्न उत्कृष्ठ पुरस्कारहरु पनि हासिल गर्न सफल भएको छ बिभिन्न छाता संगठनहरु साथै अन्य बिभिन्न साझेदारी संघ संस्थाहरु जस्तै नेपाल बचत तथा ऋण केन्द्रिय सहकार संघ लि. काठमाण्डौ, बाट लघुवित्तमा उत्कृष्ट पुरस्कार २०७२ , काठमाण्डौ, डिभिजन सहकारी कार्यलय दमौली बाट उत्कृष्ट सहकारीको पुरस्कार २०६७ ,साथै गण्डकी प्रदेश उत्कृष्ट साकोस पुरस्कार २०७९, प्रात्त गरेको छ । संस्थाको संस्थागत बिकासको लागि २०६६ साल देखि नेफ्स्कूनद्धारा संचालीत विभिन्न कार्यक्रमा संलग्न भई खास गरी पल्र्स , नीति र योजना अनुसार संस्था संचालन गर्न प्रारम्भ गरीएको छ । जुन कार्यक्रमले पल्र्सका वित्तीय लक्ष्य अनुसार संस्थालाई हिडाउने , बिभिन्न नीति अनुसार संस्थालाई पारीचालन गर्ने र योजना अनुसार संस्था संचालन गरीयो ,परिणामको फलस्वरुप संस्थाले प्रवेशन बाण्ड २०७६ र २०७७ मा प्राप्त गरेको छ ,भने हाल एसियाली ऋण महासंघले प्रतिपादन गरेको एसिया स्तरीय ऐक्सेस कार्यक्रममा आवद्ध रहेको छ , त्यसै गरी जोखिमलाई न्यूनिकरण गर्न स्थरीकरणकोषमा आवद्ध भएको छ । २०७१ सालदेखि प्रथम रणनीति योजना तयार गरी अहिले चौँथो रणनीतिक योजना कार्यन्वयनको भैइसकेको छ , भने.आ.व. ( ०७९—८०) मा तेस्रो रणनिति ब्यवसायिक योजना पुरा भएको छ । ४ वर्षिय ब्यवसायिक योजना ०८०/८१— ०८३/८४ तयार लागु गरिएको छ । साथै संस्थालाई निति, विधि र प्रविधिमा हिडाँउँनको लागि प्रत्येक बर्ष नीति तथा कार्यक्रम र वजेट तयार गरी लागु गरीदै आएको छ । यस साकोसले सदस्यहरुको आवश्यकता अनुसार बिभिन्न प्रकारका तालिमहरु पनि उपलब्ध गराएको छ । जसले संस्थाको सदस्यहरुमा सकरात्मक प्रभाव पार्न सफल भएको छ ।