शेयर सदस्य बन्नको लागि...

शेयर सदस्यहरूको कर्तव्य र दायित्वहरू :

1. १. गलत र भ्रामक सूचनाहरू दिनु हुँदैन : सदस्यले संस्थाले मागेको सूचनाहरू सही र स्पष्ट दिनुपर्छ । गलत र अपुरो सूचना दिनुले संस्था जोखिममा पर्दछ र यसबाट मलाई व्यक्तिगत हानिक नोक्सान देखिएमा सो को अन्तिम परिणाम मैले गलत नै आउँछ । सही सूचना दिनु मेरो कर्तव्य हो ।
2. २. सोझु मेरो कर्तव्य हो : संस्थामा कारोबार गर्दा संस्थाले प्रदान गर्ने सेवाहरू, ऋणीहरूको शर्तनामा स्पष्ट सेवाहरूको तुलनात्मक अध्ययन गर्नु र उपयुक्त सेवा छनौट गर्नु मेरो कर्तव्य हो । यसका लागि तपाईंको कुराहरू सोध्नुपर्छ ।
3. ३. सेवा लिनु भन्दा पहिले नै सेवाको शर्तहरूको बारेमा पुरा पढ्छु र बुझ्छु मेरो कर्तव्य हो : संस्थामा गरिएको हरेक कारोबार करारजन्य हुन्छ यसैले जानाजान सदस्यको हैसियतले मैले लिने सेवाहरूको बारेमा स्पष्ट नबुझाई पढ्नु र स्पष्ट नभएका विषयमा स्पष्ट हुनका लागि सोझ्नु वा कागजमा स्पष्ट व्याख्या गर्न लगाउनु मेरो दायित्व हो ।
4. ४. सेवा लिँदा आफ्नो व्यक्तिगत अवस्थालाई ध्यान दिनु : सेवा लिँदा सेवाका शर्तनामा र आफ्नो वर्तमान अवस्था र क्षमतालाई बुझेर मात्र सेवा छनौट गर्नु मेरो दायित्व हो । मेरो व्यक्तिगत एवं पारिवारिक क्षमताले नन्याउने र पुरा गर्न नसक्ने शर्तहरूको अधिनमा रहि सेवा उपभोग गर्नुहुँदैन । यसरी सेवा लिँदा आफू स्वयं र संस्था दुवैलाई जोखिममा पार्नु हो ।
5. ५. सेवाहरू मेरो आवश्यकतामा आधारित मात्र छनौट गर्नुपर्छ : सेवाहरू लिँदा आफू र आफ्नो परिवारको आवश्यकतालाई बुझ्नुपर्छ । सेवा लिँदा पारिवारिक परामर्शलाई गरि स्पष्ट उद्देश्य कायम राख्नुपर्छ । प्रचारबाजी र लोभलाग्दो भरमा सेवा लिनुहुँदैन । उद्देश्य फरक बनाई सेवा लिने प्रयास गर्नुहुँदैन ।
6. ६. संस्थालाई हानी हुने कुनै सूचना वा गतिविधि देखिएमा तुरुन्त संस्थालाई खबर गर्नु मेरो दायित्व हो : कुनै व्यक्ति वा क्रियाकलापबाट संस्थालाई हानी हुने पूर्व सूचना प्राप्त भएमा वा देखिएमा संस्थाको आधिकारीक व्यक्तिलाई सो सूचना दिनु मेरो कर्तव्य हो ।
7. ७. संस्थाले दिने सेवा सुविधाहरूको बारेमा अन्य बैंक तथा वित्तीय संस्थालाई सूचना प्रदान गर्नुहुँदैन : आफूँ सदस्य भएको साकोसको सूचना अन्य निकाय वा संघ संस्थालाई प्रदान गर्नुहुँदैन । उपयुक्त सेवा छनौटका लागि विभिन्न सेवा प्रदायकका सेवा सुविधाको बारेमा बुझ्नुपर्दछ तर एउटा र अर्को बिचमा असस्थ प्रतिस्पर्धा गराउने अनुचित लाभ लिने उद्देश्यले सूचनाहरूको प्रवाह गर्नुहुँदैन ।
8. ८. आफ्नो समस्याको बारेमा संस्थालाई स्पष्ट बताउनु पर्दछ : सदस्यले नियतवश नभई कुनै आकस्मिक जोखिमका कारण कुनै शर्तहरू पुरा गर्न नसक्ने भएमा समयमै संस्थामा सूचना दिनुपर्दछ । सो पुष्ट्याई हुने आधारहरू पेश गर्नुपर्दछ । तर सो शर्तनामा हेरफेर गर्ने नगर्ने अधिकार भने संस्थामा निहित हुनेछ भन्ने मैले बुझेको छु ।
9. ९. व्यक्तिगत सूचनाहरू अद्यावधिक गराउनु : संस्थालाई मेरो व्यक्तिगत सूचनाहरू थप भएमा वा परिवर्तन भएमा अद्यावधिक गराउनु मेरो कर्तव्य हो । मलाई पहिचान गर्ने र सम्पर्क गर्ने यथेष्ट सूचनाहरू मैले संस्थालाई दिनुपर्छ ।
10. १०. अधिकार प्रत्यायोजन : वित्तीय कारोबार गर्दा अधिकार प्रत्यायोजन गरिएको व्यक्तिलाई सो कारोबार गर्न आवश्यक कागजातहरू पुरा भरेर सो को परिचयपत्र भएको र सम्बन्धित व्यक्तिबाट हिनामिना हुन सक्दैन भन्ने निश्चित भएर मात्र अधिकार प्रत्यायोजन गर्नुपर्दछ । कुनै पनि कागजात एवं कारोबारका लागि प्रयोग गरिने कागजातहरू अग्रिम सहिछाप गरि राख्नुहुँदैन ।
11. ११. संस्थासँग भएको कारोबारको रुजु गर्नु र कारोबारको निस्साहरू संग्रह गर्नु, हिसाब किताब राख्नु मेरो पनि दायित्व हो : संस्थासँग भएको कारोबारमा लेखिएका मिति, अंक, अक्षर र शब्दहरू ठिक छन कि छैनन् भनी हेर्नु रुजु गर्नु मेरो दायित्व हो । संस्थासँग भएका कारोबारको समय समयमा परिक्षण गर्नु, गल्ती भएको जानकारी गराउनु र सो हिसाब किताबको निस्सा सुरक्षित राख्नु मेरो कर्तव्य हो ।